新郎書懷有人緣，

認真骨力好青年，

新娘艾薇來出現，

幸福美滿在眼前。

新郎新娘徛齊齊，

親晟朋友祝福濟，

天賜良緣好夫妻，

美滿人生是恁的。

天賜良緣來熟識，

互相欣賞相意愛，

結成連理天安排，

創造美滿好將來。

美滿家庭愛經營，

用心付出真感情，

堅持到底攏無停，

互相扶持過一生。

時吉日來合婚，

天賜良緣造乾坤，

互相體諒愛感恩，

尊重序大蔭囝孫。

才藝出眾成雙對，

子孝妻賢鴻運開，

佳節完婚上寶貴，

人定勝天來作堆。

做人媠某有責任，

翁婿一定疼入心，

仝心拍拚庴滿金，

翁某恩愛感情深。

婚姻幸福有撇步，

互相體諒頭一步，

夫妻共耕姻緣路，

認真拍拚天相助。